टकमकावर उभे राहता होऊन जातो वार्याचे झोत

श्रीसांबाचा अंश बाळगतो अंतरी
माथा झुकतो रायगडीच्या जगदीश्वरी
जन्मसोहळा उभा ठाकतो डोळ्यासमोर
फत्ते बुरूजावरुन पाहता पूरंधरी
ढाळत राहतो आसू आम्ही
शक्तिपीठ तुळापूरी

टकमकावर उभे राहता
होऊन जातो वार्याचे झोत
होळीच्या चौकात होतो
भवानीचा धगधगता पोत

रक्ताचा थेंबन् थेंब करतो मुजरा
राजसदरेवर गारद देता
झुंजारासम फुलते छाती
तोरण्याच्या झुंजारमाचीवर येता

सळसळतय आमचं
मर्दमराठी रक्त
होय आम्हीच
शिवशंभूंचे भक्त

आम्हास तुळापूर ही आळंदी देहू
अन् रायगड हीच आमची पंढरी
"जय शिवराय"ची गर्जना ऐकता
ओळखून जा...


आम्हीच ते गडवाटकरी

- उनाड...