आमचा राजा

आमचा राजा ऊन्हात तडपतोय
म्हणून मंदिरातील दगड आज सावलीत बसतोय
भरभरून दिलेय आमच्या राजानं
तरी मंदिरातील दगड दानपेट्या मिरवतोय...
आमचा राजा काळोखात राहतोय
तरी सर्वांना उजेड देतोय
माझ्या राजाच्या चरणी कोणी दिवाही लावत नाही
अन मंदिरातील दगड दिव्यांनी प्रकाशतोय...
आमचा राजा उपाशी झोपतोय
पण सर्वाची पोट भरतोय
आमच्या राजाला कोणी पाणीही पाजत नाही
अन मंदिरातील दगडासमोर फळांचा थाट सजतोय...
आमचा राजा एकटाच बसतोय
पण प्रत्येकाला साथ देतोय
माझ्या राजा चरणी कोणीही झुकत नाही
अन मंदिरातील दगडावर झुकण्या आम्ही रांगेत ठाकतोय...
आमचा राजा लाख अत्याचार झेलतोय
पण सर्वांना सुख देतोय
माझ्या राजाला कुण्या पुजाऱ्याची गरज नाही
अन मंदिरातील दगड पुजाऱ्याच्या गुलामीत जगतोय...
जय जिजाऊ
जय शिवराय

शिव-अर्पण मनोज
दि - १५/०३/२०१३ —
http://photos-f.ak.fbcdn.net/hphotos-ak-prn1/s720x720/537756_439017029507473_1642229851_n.jpg