धरतीच्या उदरात मराठा, कधी न सोडीसाथ मराठाया देशातून प्रेम वाहते, या देशाची जात मराठा

नररत्नांची खाण मराठा,
सदैव उन्नत मान मराठा
अजिंक्य आहे, अजिंक्य राहील,
भारतभूची' जान' मराठा
पक्ष्यांची ही साद मराठा,
कडे कपारी, नाद मराठा
'हर हर हर 'डरकाळी फुटते,
विजयाचा अस्वाद मराठा
लाजलाजिरी रात मराठा,
महाराष्ट्राची बात मराठा
गवतांनाही भाले फुटती
त्या हिरव्या कोंबात मराठा
या मातीचा श्वास मराठा,
या दर्याचा न्यास मराठा
या व्योमाच्या अणु रेणूतून,
वसते अमुची खास मराठा
या दुर्गांची माळ मराठा,
कधी न तुटते नाळ मराठा
वरून कणखर, आतून हळवे,
हृदयामधले बाळ मराठा
धरतीच्या उदरात मराठा,
कधी न सोडीसाथ मराठा
या देशातून प्रेम वाहते,
या देशाची जात मराठा…..
!! जय जिजाऊ-जय शिवराय-जय शंभूराजे !!